Babad Prof Dr Ir Wiendu Nuryanti1. DhandhanggulaBener bleger Prof Wiendu Nuryanti, Pinter seger kober banter nyata, Bener sakeh gawa gawe, Bleger ayu rahayu, Pinter wasis tur tatas titis, Seger ing jiwa raga,Kober garapipun, Banter terampil trengginas, Darma bakti paripurna mring negari, Manggih tata raharja. 2. MijilTanggal siji lima wulan Mei, Seket sanga miyos, Prof Wiendu Nuryanti putri kang gemati, Cahya anelahi, Gya kuncara arum.3. PangkurMahaguru Gadjah Mada, Amakarti Prof Wiendu Nuryanti, Pakaryan unggul pinunjul, Micara tur miraga, Barang kawruh eguh kinarya pituduh, Ngupakara mahasiswa, Pawiyatan muda mudi.4. KinanthiPerguruan Bulaksumur, Ndherek Prof Wiendu Nuryanti, Babagan pariwisata, Katitik katata becik, Nusantara trus ngrembaka, Minangka tepa palupi.5. AsmarandanaGrapyak sigrak manis aris, Wusnya mangun bale wisma, Jodho Mister David Sanders, Kawibawan kawidadan, Karaharjan kanugrahan, Lahir tatag batin tutug, Dados sangu pasuwitan.6. MegatruhMuhung suwung tinilar garwa linangkung, Mister David Sanders yekti, Priyayi luhur misuwur, Surut ing kasedan jati, Amarisi bebet bobot.7. DurmaMandhegani Kementrian Pendidikan, Jejer Wakil Menteri, Lila lan legawa, Labuh labet negara, Pakarti pakerti pekerti, Budi manunggal, Bu Prof Wiendu Nuryanti.8. SinomPresiden SBY kersa, Misuda Wakil Menteri, Dosen mumpuni kawignyan, Bu Prof Wiendu Nuryanti, Jurusan ing Arsitektur, Fak Teknik Gadjah Mada, Pinilih wening penggalih, Sanak kadang ngumandhang kondhang kaonang.9. PucungMawi tutur jangka jangkah trus sempulur, Kagem pengabdian, Profesor Wiendu Nuryanti, Gegayuhan kaleksanan kasembadan.10. GambuhKayat kayun kayungyun, Prof Wiendu Nuryanti meh pensiun, Laras laris lurus leres tatas titis, Tanggap tangguh wutuh ampuh, Muncar sumirat sumorot.11. Mas KumambangGemi titi premana sarta permati, Prof Wiendu Nuryanti nulad, Bapak Ibu duking nguni, Ngelmu laku kalampahan. Bulaksumur UGM, Rebo Legi, 8 Juli 2026.Purwadi